七剑下天山改编版片段（求生）

[杀]杨云骢 · 发表于 2010-12-16 12:47

㚇进来个是一位英俊后生，拉烛光摇曳之中，好隐隐望着伊个眼角眉梢含着一股幽愤之气。伊望着纳兰小姐门前摊着个，正是伊手写个词笺，词笺浪有一眼斑斑泪渍。他苦笑一声话：“妹妹，侬大喜啊！”

　　纳兰小姐星眸微启，两粒滴骨溜圆个眼乌珠，似秋水似寒星，睃仔伊一眼，话：“撒加侬也勿体会奴个苦心，就格能介个怨奴？”

　　搿后生袖子一指，跨前一步，突急声话：“撒加我伲勿能出走？朝南去百越，落北上天山，四海之大，岂呒我伲安身立命个户荡？”

　　纳兰小姐头也勿岳，幽幽话：“杨云骢，啥人教侬是汉人？”

　　杨云骢面孔一变，哈哈笑话：“奴壳数侬是女中豪杰，原来侬还是㑚爱新觉罗氏皇朝个贤孝囡儿！”

　　话犹未哉，冷陌生头听得号角齐鸣，园中响箭乱飞。杨云骢虎目圆睁，把撒恁双手低垂，交叉横过背后，冷然笑话：“侬倘然要奴性命，何必用迭能诡计？我垂手拨侬绑哇，算奴送拨侬个新婚大礼！”

　　纳兰小姐本生是低首哽咽着个，搿在也急得跳起来，满面花容失色，颤声话：“侬、侬、侬搿算啥闲话！”

　　杨云骢靠近窗子一张，望着园子里向升起数十盏孔明灯，照耀得似同白昼，人声喧噪，潮水似向东首角门涌出，却呒一个人朝自家搿半爿走过来，显见并不是对付自家，伊也觉着诧异哉。呒啥几好辰光，人声渐寂，孔明灯也一盏一盏隐脱哉。

　　杨云骢别过头来，正待讲话，听得门外有脚步声传来，渠一旋身，迓拉帐后头，只看见房门开处，纳兰小姐个保姆，驮仔小囡，七夯八搭走仔进来，话：“小姐，听说是总兵府监牢有人劫牢，今夜头卫兵多数拉此地办事，挨半爿人手勿够事，已拨逃脱了一眼囚犯，噶咾开开头亦急忙从迭搭抽人过去，小姐，侬吓着否？”

　　纳兰小姐木然不答，一伸手就脱保姆手上个小囡，接仔过来。小囡哇声一哭，帐后杨云骢也冷陌生头跳仔出来。

　　保姆吓仔一跳，看清楚话：“杨爷叔，侬饶了我伲小姐哇，明朝是伊大喜个日脚。”

　　杨云骢点了点头，说道：“奴有数哉！”叹了口气，自顾自地吟哦：“明日天涯路远，问谁留楚佩，弄影中洲？”吟声未断，突然劈面一掌，朝纳兰小姐打来！

　　纳兰小姐吓仔一跳，本能地侧身躲闪，说时迟，那时快，手浪抱着个小囡，已拨渠抢去。纳兰小姐跳起来，问：“侬，侬搿算做啥？”杨云骢一退身，贴近窗门，狠声话：“从今朝起，伊不再是侬个，侬勿配问伊！”搿小囡将将哭喊了一歇，已倦极熟睡，经此一闹，两只眼乌珠又睁开来，望着纳兰小姐披头散发，作势欲扑个样子，觉觉邪气骇人，小嘴巴一咧，小手朝空乱抓，看看又是要哭个神气，杨云骢忙脱伊转仔半个身，轻轻抚拍，张张窗外，只见银河耿耿，明月当空，满园子静悄悄，渠咬一咬牙，抱仔小囡，蓦地穿出窗去，背后只听得纳兰小姐呼喊凄厉，渠头也不回，施展轻功，穿枝拂叶，就像一只灰色的大鹤，在月色溶溶之中消失哉。

　　园子里静去静来，外头大街却是闹成一片。杨云骢岳起头一望，只见总兵府壗头，火光冲天，满街浪人群乱奔乱跑，渠抱仔小囡，混拉人丛中，倒也呒人理会渠。

我不晓得如此改编算违规否？多多海涵。